Soziologiara sarrera/Charles Horton Cooley

Charles Horton Cooley (Ann Arbor, Michigan, 1864ko abuztuaren 17a - Ann Arbor, Michigan,1929ko maiatzaren 8a) pragmatismo eta elkarrekintza sinboliko izeneko korronteei lotutako soziologo estatubatuarra izan zen.

Berarentzat, gizabanakoa eta gizartea errealitate sozial bakar baten bi aurpegiak dira: gizabanakoa ez da existitzen gizarterik gabe, eta era berean, gizartea bera ez da existitzen gizabanakorik gabe.

Haren arabera, Nia (nortasuna, «Self») besteekiko izaten diren gizarte-harremanen bitartez eratzen da. Norbait izatearen sentimendua gizarte-harreman bitartez tenkatzen da. Besteak dira gu egiten gaituztena, gu garena egiten dutenak. Ispilu-nortasun irudia («looking glass self») besteen begiradapean eraikitzen da. Cooley-k honi «adskripziozko identitatea» deitu zion^[1]. Kontzeptu hau George Herbert Mead-ek ere bereganatuko zuen eta elkarren artean garatu zuten^[2].

Cooley-ren iritziz, bere «Human Nature and the Social Order»(1902) lanean jasoa, «looking glass self» delakoak hiru paso lituzke:

• Beste pertsonaren aurrean nola agertu imajinatzea.

• Beste pertsonaren epaiketa edo balorapena imajinatzea.

• Harrotasun, zoriontasun, erruduntasun edo lotsa sentimendu motaren bat sentitzea^[3].

William James-en iritzia jarraituz, Norbere ispilu-irudiaren edo «looking glass self» kontzeptua "norbera eta kanpo gizarte-munduaren arteko banaketa Kartesiarra"rekin hausturarekin lotzen da. Cooley-k gizabanakoa eta gizartearen artean eraikitako banaketa Kartesiarra hautsi nahi izan zuen^[4].

Kanpo loturak

Amerikako Soziologia Elkarteko zuzendarien aipamena: http://www.asanet.org/about/presidents/Charles_Cooley.cfm

Erreferentziak

↑ HORTON, P.B. eta HUNT, C..: Soziologia. EHU. Bilbo. 1994.
↑ Ritzer, George: Teoría sociológica clásica. McGraw-Hill. Madril. 1993. 55.orr.
↑ Mann, Doug: Understanding society : a survey of modern social theory, Oxford University Press. 2007.183. orr. ISBN 978-0-19-542184-2
↑ http://www.bolenderinitiatives.com/sociology/charles-horton-cooley-1864-1929/

[1] HORTON, P.B. eta HUNT, C..: Soziologia. EHU. Bilbo. 1994.

[2] Ritzer, George: Teoría sociológica clásica. McGraw-Hill. Madril. 1993. 55.orr.

[3] Mann, Doug: Understanding society : a survey of modern social theory, Oxford University Press. 2007.183. orr. ISBN 978-0-19-542184-2

[4] ttp://www.bolenderinitiatives.com/sociology/charles-horton-cooley-1864-1929/

[1]

[2]

[3]

[4]