Sukaldaritza liburua/Errezetak/Onddo berria gorringoarekin

Wikibookstik

Errezeta-liburuaren parte. Onddo berria gorringoarekin[1]

Pausoak[aldatu]

1 Oraintxe onddo sasoi betean gaude, eta, errezeta ahalik eta goxoena ateratzeko, onddo berriak erabiltzen baditugu —txiki edo ertainak—, askoz ere goxoagoa aterako zaigu platera.

2 Lehenik, onddoen zurtoinak zuritu, eta ondoren onddoak uretatik pasa, txapelak ongi garbitzeko. Ez beldurtu uretan bustitzean; izan ere, hezetasun falta izaten dute maiz, eta ongi etorriko zaie.

3 Ondoren, xaflatan moztu eta gutxinaka zartagin batean frijitu. Hiru bat txandatan. Frijitu ahala, erretilu batean gordetzen joan. 4 Gero, zartagin berberean olio pixka bat gehixeago ipini, eta bertara tipulin eta baratxuri ale xehatuak gehitu. Gatz pittin bat gehixeago bota, eta 15-20 minutuz su motelean erregosi.

5 Horren ondoren, aurretik frijitutako onddoak zartaginera gehitu, eta ongi nahastu. Mantendu bost bat minutuz, dena ongi berotu dadin.

6 Aldi berean gatz pittin bat gehitu, eta gustukoa baduzue, piper hautsa ere bai, bizitasun berezia emango baitio.

7 Ondoren, lau arrautzak gorringo eta txuringoetatik banatu.

8 Zerbitzatzeko, plateraren inguruan jarriko ditugu onddoak, eta argazkian ikusten den moduan arrautzaren gorringo gordina erdian jarri.

9 Jateko garaian, gomendagarria da labanarekin arrautzaren gorringoa puskatzea eta, ondoren, onddoekin nahastuta jatea.

Erreferentziak[aldatu]

[[Kategoria:Onddoak]]