Sukaldaritza liburua/Errezetak/Usakume errea

USAKUME ERREA

Usakume bular errea berezko saltsan

MAHAIKIDEAK: 4

OSAGAIAK

• Usakumea: 4.
• Gatza.
• Piperbeltza.
• Oliba olioa: 50 ml.
• Ardo gozoa: 150 ml.
• Haragi salda iluna: 400 ml.
• Arto irin findua: 20 g.

PRESTAKETA

• Piztu labea 220ºC-tan.
• Garbitu usakumea, lumak kendu, erre sutan luma txikiak, tripak eta urdailak ongi erretiratu eta ur hotzetan garbitu.
• Lehortu zapi batekin eta lotu hariarekin.
• Gatzez eta piperbeltzez ondu.
• Labeko erretilu batean jarri usakumea oliotan bustia, sartu labera.
• 10 minutuz erre. Labetik atera erretilua eta erretiratu usakumea.
• Koipea kendu ondoren gehitu ardo gozoa erretilura, bildu itsatsita dagoen gelatina espatula batekin eraginez. Iragazi salda hori.
• Jarri haragi salda irakiten eta gehitu erretiluko salda.
• Ur hotzetan disolbatutako arto irin findua gehitzen joan hagatxoarekin eragiten diogun bitartean.
• Arto irina gehitu guk nahi dugun dentsitatea lortu arte.
• Usakumeari kendu hariak eta osorik edo erdibituta jarri platerean.
• Saltsa gainean edo aparte aurkez liteke.

AHOLKUAK

• Kontua eduki haragia gehiegi egin ez dadin, bestela gogortu egingo zaigu eta.
• Lagungarri moduan, sagar purea, gaztaina purea, patata purea, konpota erabili ditzakegu.