Euskal Herriko bidaia-gida/Ibilbideak/Zubietatik Aurkidi auzoko itzulia

Zubietatik Aurkidi auzoko itzulia
	Ibilbide honen argazkiak igo
Herrialdea	Nafarroa Garaia
Zailtasuna	Erdikoa
Lekuak	Zubieta, Luisengo borda, Leoleko borda, Usatagieta, Sorginzelaieta, Irotzabal, Sarekoa auzoa, Goikoetxeko borda
Distantzia	9,8 km
Ingurunea	Mendresa auzoa, baso ikaragarri aberatsean gora eta behera errekaren ibilbideari jarraituz.
Abiapuntua	Zubieta
Informazioaren iturria	Lehenengo informazio iturria

Itzuli zirkular honetako markak zuri eta moreak dira.

Ibilbidea

Zubieta herriko labaderoan hasi eta errotarako bidea hartu behar da.

1736. urtean eraikitako errota, gaur egun ekomuseoa, bisitatzeko aukera izanen duzue. Karretera hartu, eta segituan ezkerrera Aurkidiko auzora doan porlanezko pista ikusiko duzue. Bideak gora eginen du eta Aurkidiko auzoko bordak eta baserriak ikusten joanen zarete. Porlanezko pista utzi gabe, Luisengo borda paratzen duen kartela ikusiko duzue. Hor pista utzi eta senda hartuko duzue. Pagadi eta harizti ederrekin gozatzeko aukera paregabea izan ez ezik, Ekaitza, Mendaur eta Makilipurdi mendiak ikusteko eta gozatzeko aukera ere izanen duzue.

Luisengo borda eta Leoleko borda pasa eta gero Lizartzeta gailuarren oinarrian dagoen Usatagietara ailegatuko zarete. Hor ezker hartu, pista zabala izanen duzue. Segi aurrera Sorginzelaietara ailegatu arte; hor ezker eta dena behiti. Leku berezi batera ailegatuko zarete, Irotzabalera.

Hortik behiti bidea segi eta Sarekoa auzoko baserriak ikusiko dituzue (Goikoetxeko borda). Poliki poliki herrira hurbiltzen joanen zarete. ^[1]