Sukaldaritza liburua/Errezetak/Andaluziako gazpatxoa

Errezeta-liburuaren parte. Andaluziako gazpatxoa

Osagaiak

4 pertsonarentzako osagaiak:

• 2 kilo tomate (ondo helduak)
• Luzokertxo bat
• Tipula bat
• 2 piper berde
• Piper gorri bat
• 4 baratxuri ale
• Ozpina
• Ogi laurden bat
• Oliba olioa

Pausoak

Andaluziako entsalada edangarria egiteko, ontzi zabal handi bat hartuko dugu.

Ondoren, barazkiak garbitu, eta tomatearekin hasiko gara. Zortzi pusketatan moztu eta ontzira bota.

Gero, baratxuri txikituak gehitu, eta pusketatan moztutako piper gorri eta berdeak ere bai.

Luzokertxoa zuritu egingo dugu, eta tipulin txikituekin batera, dena ontzira gehitu. Dena gazitu, eta ozpin txorrotada on bat bota.

Ondoren, ogi xafla batzuk gehitu, eta oliba olio txorrotada bat ere bai.

Sukaldeko paper gardenarekin estali, eta 12 orduz hozkailuan mantendu.

Guztia nahastu, eta berriro ere beste 12 bat orduz utzi.

Berriro nahastu, eta beste 12 orduz eduki.

Ondoren, irabiatu guztia eta txano batetik pasatu, salda fin bat lortzeko.

Eguraldi ona hastean, erabat atsegina egingo zaigu entsalada edangarri hori, freskagarria eta osasuntsua baita.