Euskal Herriko bidaia-gida/Herriz herri/Arbizu

Arbizu
Administrazioa
Estatu burujabe	Espainia
Foru erkidego	Nafarroa Garaia
Alkatea	Jesús María Mendinueta Urdanoz
Izen ofiziala	Arbizu
Posta kodea	31839
Herriburua	Arbizu
Geografia
Koordenatuak	42° 54′ 53″ N, 2° 02′ 22″ W
Azalera	14 km²
Altuera	497 m
Mugakideak	Etxarri Aranatz, Ergoiena eta Lakuntza
Demografia
Biztanleria	1.126 bizt. (2023)
Dentsitatea	80,43 bizt/km²

Arbizu Euskal Herriko udalerri bat da, Nafarroa Garaian. 1.126 biztanle ditu.

Ezagutu

Arbizu Iruñea eta Gasteiz lotzen dituen bidean dago, Sakana erdialdean. Hegoalde-iparraldera orientaturik dago, eliza mutur batean; bertatik ateratzen da kale bakar bat, eta dorretxearen parean bitan banatzen da: Fernando Urkia kaleak mendebalderantz egiten du, eta kale Nagusiak, berriz, zuzen jarraitzen du iparralderantz. Aurrerago udaletxea dago, eta herriko plaza, eta hortik aurrera zenbait kalexka edo kantoi irekitzen dira ezker-eskuin, handiena Ubelde karrika, zuzenean Leziza errekarantz jaisten dena.

Arbizuko karrika Nagusia

Arbizuko balkoiak

Herria ezaguna da inguruetan bertako euskara ongi gordetzeagatik, txistorrak eman dion izenagatik, San Juan festengatik eta lorez betetako balkoiengatik, baina ezaugarri horiek Sakanako beste herri batzuk ere definitu ditzakete, gauza bat edo beste aldatuta. Herri euskalduna da, dudarik gabe, eta bisitariak lehen hitza euskaraz egiteko gonbidatzen ditu udalak, herria UEMAn sartuta dagoela kontuan hartuta. Txistorraren Egunak ere ospea ekarri dio Arbizuri, txerriaren produktu horren inguruan urtero, urriaren asteburu batean, ospatzen den festari esker.

Sanjuanak, herriko festak, ekainaren 23an hasten dira, San Juan ermitan egiten den erromeriarekin. Ikusgarriena jaitsiera izaten da: kalejiran abiatzen dira herritarrak, txarangaren atzetik, karriketan dauden suak saltatzeko asmoz. Horrek ematen dio hasiera sei eguneko festari, eta 24tik aurrera protagonista nagusiak egunero plazan egiten diren afariak dira.

Ibilbideak

• Euskal Herriko bidaia-gida/Ibilbideak/Borden ibilbidea

Non jan

Aralar taberna

Arbizuko ekokanpinaren taberna

Arrautsekoa taberna

Baxerri erretegia

Izar-ondo jatetxea

Juanito taberna

Kiroldegiko taberna

Lo egin

Arbizuko ekokanpina

Izar-ondo Hotela

Mendieder landetxea

Reparaz landetxea

Ikus, gainera

• Euskal Herriko bidaia-gida

Kanpo estekak

• Arbizu Wikipedian