Errezeta-liburua/Raf tomateen entsalada, bakailaoarekin eta barazkiekin

Wikibookstik
Jump to navigation Jump to search

Raf tomateen entsalada, bakailaoarekin eta barazkiekin[1]

Osagaiak[aldatu]

4 LAGUNENTZAT

  • 300 g bakailao gezatu.
  • Raf motako tomatea.
  • Dozena bat gari zainzuri.
  • 3 tipulin fresko.
  • 3 piper morroi.
  • Oliba olioa.
  • Gatza.

Pausoak[aldatu]

1

Lehenik, piperrak erreko ditugu. Horretarako, laberako erretilu batean ipini piperrak osorik; eta ezer bota gabe, labean sartuko ditugu, hogei minutuz, 210 gradutan. Beroa goian-behean jarri, eta ondo erre direla ziurtatu atera aurretik. Atera, eta utzi epeltzen.

2

Tipulina txikitu juliana erara, eta lapiko batean erregosi, oliba-olio zorrotada batekin, gutxi gorabehera hogei minutuz, su oso motelean.

3

Zartagin bat berotzen jarri, olio zorrotada batekin. Gehiegi berotu aurretik, bakailao puskak jarri, su oso motelean konfitatzen, hau da, poliki-poliki erregosten. 15 minutuz eduki.

4

Bitartean, piperrak zuritu, haziak kendu, eta zabalik utzi erretilu batean.

5

Zartagin batean, gari zainzuriak hiru edo lau minutuz frijitu.

6

Gero, platera osatuko dugu: tomateari bihotza kendu, eta pusketatan moztu.

7

Erretilu batean ipini tomatea, eta gatz pitin bat gehitu. Ondoren, bakailao konfitatua gainean jarri. Gari zainzuriak ere gainean kokatu, eta, azkenik, piper morroien tirak ere gehitu.

8

Bukatzeko, zartaginean dugun tipulin erregosiarekin osagai guztiak ongi busti.

Entsalada epela dastatzeko prest dugu!

Erreferentziak[aldatu]