Sukaldaritza liburua/Errezetak/Ahate magreta

AHATE MAGRET ERREA

MAHAIKIDEAK: 4

OSAGAIAK

• Ahate magreta: 4.
• Gatza.
• Piperbeltza.

PRESTAKETAK

• Xerratzeko aiztoaren laguntzaz, magretaren kanpoko gantzari, zabalean ebaki batzuk egin.
• Ondu gatz eta piper hautsarekin.
• Zartagin bat su ertainean  jarri, eta bero dagoenean, gantza beherantz duela bertan jarri.
• Ahate gantza urtzen joan ahala, koilara batekin bularra busti.
• Gantzaren zati handi bat urtutakoan, buelta eman, eta segundo gutxi batzuetan eduki.
• Erretilu batera atera eta utzi bere horretan 5 minutu.
• Sartu labera 200ºC-tan minutu batean.
• Labetik atera eta oholaren gainean,  xerra finetan moztu.

AHOLKUAK

• Magreta gutxi egina jatea izaten da ohikoena; beraz, kontu handia izan gehiegi egin gabe.
• Ohikoa ditu haragi edo fruitu saltsak, pureak, edo barazkiak hornigai moduan.