Sukaldaritza liburua/Errezetak/Antxoa ozpinetan

Wikibookstik
Jump to navigation Jump to search

ANTXOA OZPINETAN

Antxoa ozpinetan


MAHAIKIDEAK: 4

OSAGAIAK[aldatu]

  • Antxoa: 1kg
  • Gatza.
  • Ozpina: Antxoa estaltzeko adina.
  • Ur oxigenetu: Zurrusta motz bat. Nahi izatera, antxoak txuriago gelditzeko.
  • Oliba olioa: Antxoa estaltzeko adina.
  • Baratxuria: 4 xehatu.
  • Perrexila: Xorta txiki bat xehatu.

PRESTAKETA[aldatu]

  • Antxoei behatzekin burua bizkar hezurra eta tripak kendu, zabal zabal utziz.
  • Uretan garbitu, ura ongi xukatu eta erretilu batean zabaldu.
  • Gatzatu eta bere horretan 10 minutu utzi.
  • Ontzi estu batean antxoak geruza bat zabaldu eta ozpinarekin estali.
  • Aurrekoen gainean bigarren geruza bat egin eta berriro hau ere ozpinarekin estali. Antxoa guziak zabaldu arte.
  • Ordu betez eduki antxoak ozpinarekin estalita. Denbora hau pasatutakoan kontu handiarekin ozpina kendu.
  • Beste ontzi estu batean antxoa geruza bat zabaldu eta baratxuria eta perrexila bota gainetik, eta oliba olioarekin estali. Horrela egingo dugu geruzaz geruza antxoa guziak bukatu arte.

AHOLKUAK[aldatu]

  • Antxoak modu honetara prestatuko bagenitu ahalik eta azkarren jatea komeni izaten da, egun batzuetara antxoa ozpinaren eraginez desegin egingo bai da.
  • Antxoak zuriagoa gelditzea nahiko bagenu, ur oxigenatua pitin bat nahastu ozpinari.