Sukaldaritza liburua/Errezetak/Arrautzarekin labean eginiko gazta tarta

ARRAUTZAREKIN LABEAN EGINIKO GAZTA TARTA

MAHAIKIDEAK: 8.

OSAGAIAK

Oinarrizko gaileta egiteko

• Irin ahula: 250 g. bahetu.
• Gurina: 150 g. pomada puntuan.
• Azukrea: 50 g.
• Arrautza: 1.
• Gatz fina: Pitin bat.

Tarta betegaia

• Gazta krema: 500 g.
• Azukrea: 150 g.
• Esne gaina: 200 ml.
• Arrautzak: 5 .
• Laranja azal birrindua: 1/2. Kontuz zuria jarri gabe, oso axalekoa izan dadila.

PRESTAKETA

Oinarria egiteko

• Irinarekin sumendi bat egin mahai batean edo katilu batean: erdian gurina, azukrea, gatza eta arrautza jarriko ditugu.
• Poliki dena nahastuz joango gara, bola bat osatuz.
• Katilu  batean jarri: trapu heze batekin estali eta ordu erdiz gutxienez  hozkailuan bere horretan eduki erabili bitartean. Erabili aurretik bi orduz gutxienez eduki behar da hozkailuan.

Tartaren betegaia

• Ontzi batean gazta, azukrea, esne gaina, arrautzak irabiagailuarekin nahastu.
• Jarraian, laranja azala erantsi.

Tarta amaitzeko

• Labea 170ºC-tan piztu.
• Moldea gurin eta irinarekin estali.
• Jarraian, arrabola batekin gaileta orea zabaldu eta moldea tapatu.
• Aurretik prestatuta daukagun gazta betegaiarekin bete.
• Labera sartu 15 minuturen inguruan, txotxa garbia ateratzen denean erretiratu eta hozten utzi.

AHOLKUAK

• Gazta tarta hau azpiko gaileta gabe ere egin genezake.