Sukaldaritza liburua/Errezetak/Bainila suflea

Wikibookstik
Nabigaziora joan Bilaketara joan

BAINILA SUFLEA

Bainilla souflea

MAHAIKIDEAK: 6

OSAGAIAK[aldatu]

  • Esnea: 300 ml.
  • Bainila: 1/2.
  • Azukrea: 50 g.
  • Irina: 25 g.
  • Gorringoak: 6.
  • Gurina: 50 g
  • Zuringoa: 8.
  • Azukrea: 75 g.
  • Gurina: Moldea estaltzeko.
  • Azukre hautsa: Moldeak eta suflea gainetik estaltzeko.

PRESTAKETA[aldatu]

  • Esnea bainilarekin egosi 5 minutu.
  • Bainila puntazorrotzarekin zabaldu eta barruko haziak berriro esnetara sartu; utzi bere horretan hozten.
  • Pertz batean irabiatu gorringoak, irina eta azukrea.
  • Gehitu horiei poliki-poliki esnea, nahasten dugun bitartean.
  • Jarri sutan, loditu arte.
  • Sutatik kanpo, gehitu lehenik gurina, eta ondoren, azukrearekin harrotutako zuringoak.
  • Bateratu dena, kontu handiarekin nahasiz..
  • Piztu labea 200ºC-tan.
  • Moldeak gurin eta azukre hautsarekin estali.
  • Bete moldeak eta sartu labera 10-12 minutu inguru.
  • Labetik atera eta, nahi izatera, azukre hautsarekin estali.
  • Momentuan zerbitzatu eta jan behar da.

AHOLKUAK[aldatu]

  • Suflea labean egosteko garaian, hau ez da ireki behar.
  • Labetik atera orduko jatea komeni da, erraz jaisten baita.
  • Gaur egun jatetxeetan, suflea uztaietan eta ez itsasteko labeko papera alboetan jarria duela ere egosten da. Egosi ondoren, uztaia eta papera erretiratzen da. Zerbitzatzeko ederragoa geratuko zaigu, baina puskatzeko arriskua ere handiagoa izango da.

Bestelako sufleak

  • Txokolatea: Lehen natilla hori prestatzen dugunean, kakao koilarakada bat gehituz.
  • Bainila: Esnea banillinarekin irakinez, eta bere haziak bertan zabalduz.
  • Laranja edo limoia: Esnea limoi edo laranja azalarekin egosiz bere lurrina emanez eta azal birrindua gehituz.
  • Pattarrarenak: Kremari likore bat gehituz eta azpialdean, bizkotxo zati bat jarriz likorearekin bustia.