Bakailaoa ur hotzetan irakiten jarri. Minutu bat irakin ondoren sua itzali eta epeltzen utzi. 10 minutu pasa ondoren bakailaoa ongi lehortu eta xafletan banandu.
Tipula, pipermina eta piper berdea zartagin batean kozinatzen jarriko ditugu olioarekin su ertainean.
Barazkia gorriturik dugunean, bakailaoa eta perrexila gehitu. Dena elkarrekin denbora laburrez egin.
Katilu batean arrautzak irabiatu eta bakailaoa nahastu, gatz puntua jarri.
Aparteko zartagin batean olioa sutan jarri, ondo beroturik dugunean tortilla bertan egin. Kontu izan behar da gehiegi lehortu ez dadin.
Tortilla borobila edo forma bilduarekin egin dezakegu.
