Sukaldaritza liburua/Errezetak/Bakailo piper beteak

BAKAILAO EDO LEGATZ PIPER BETEAK

MAHAIKIDEAK: 4

OSAGAIAK

• Bakailao edo legatz kroketak orea: 500 ml.
• Ontziratutako pikillo piper osoak: 20 .
• Irina eta arrautza: Piperrak arrautzeztatzeko.
• Ekilore olioa edo oliba olioa: Piperrak frijitzeko.
• Piper saltsa: 400 ml.

PRESTAKETA

• Lehenik bakailao edo legatz bexamela prestatu eta epeltzen utziko dugu.
• Guztiz hoztu aurretik mahuka batean sartu bexamela, eta bete piperrak. Pausu hau koilara batekin ere burutu dezakegu.
• Irin eta arrautzetan pasa, eta frijitu zartagin batean.
• Plateraren azpian jarri saltsa, eta gainean piper frijitu berria.

AHOLKUAK

• Piperrak frijitu ordez, bete ondoren labean olio tanta batekin egin ditzakegu.
• Kasu honetan bai aldez aurretik saltsan sartu eta bertan berotzeko aukera izango dugu.
• Piperrak arrautzeztatuta saltsan sartuko bagenitu, azal hori galdu egingo luke.