Sukaldaritza liburua/Errezetak/Esne frijitua

Wikibookstik
Nabigaziora joan Bilaketara joan

ESNE FRIJITUA

Esna frijitua.jpg

MAHAIKIDEAK: 20 zati inguru.

OSAGAIAK[aldatu]

  • Ekilore olioa: 10 ml.
  • Esnea: litro 1.
  • Kanela zotza: 1.
  • Arto irin findua: 65 g.
  • Gari irina: 65 g bahetu.
  • Azukrea: 100 g. eta 200 g., gustuen arabera.
  • Gurina: 10 g. orea gainetik margotzeko.
  • Irina eta arrautza: Arrautzaztatzeko.
  • Ekilore olioa: Kremak frijitzeko.
  • Kanela hautsa: bakoitzaren gustura gainetik botatzeko.
  • Azukrea: bakoitzaren gustura gainetik botatzeko.

PRESTAKETA[aldatu]

  • Kremaren orea aterako dugun erretilua olioz margotu.
  • 600 ml esne kanelarekin 5 minutuz irakin eta epeltzen utzi.
  • Beste ontzi batean, arto irin findua eta gari irina aparte dugun esne hotzetan disolbatu.
  • Kanela lurrina duen esnea egosten jarri eta irin disolbatua poliki poliki gehitzen joan, hagatxoarekin eragiten diogun bitartean.
  • Irakiten hasitakoan, 10 minutuz su baxuan egosiko dugu.
  • Aldez aurretik olioztatuko erretilura aterako dugu, 1,5 cm-ko loditasuna emanez. Gainetik gurinarekin margotu.
  • Ore hau ondo hozturik dugunean, karratuetan moztu, irin eta arrautzetan pasa eta frijitu.
  • Zartaginetik paper xurgatzailea duen erretilu batera atera, eta hoztu aurretik azukre eta kanela hautsa nahastua gainetik bota.

AHOLKUAK[aldatu]

  • Esne frijitua eta krema frijitua bereizi egiten dira, desberdintasuna kremaren oreak arrautza duela da eta esneak ez.
  • Orea egosteko garaian hagatxoarekin oso gainean egon behar da, oso erraza baita itsastea. Plaka baten gainean egiteak ere asko lagunduko luke.
  • Esnezko azkenburuko guztietan bezala, esnearen kalitatea ezinbestekoa da. Nik eguneko esne pasteurizatu osoa gomendatzen dizuet.