Sukaldaritza liburua/Errezetak/Foie gras micuita
FOIE- GRAS MICUITA ARANEKIN
ERRAZIOAK: 4
OSAGAIAK
[aldatu]- Aranpasak: 10.
- Brandya: 50 ml.
- Ahate edo antzara gibela: 500 g.
- Gatza: 7 g.
- Piperbeltza: 5 g.
- Azukrea: 2 g.
PRESTAKETA
[aldatu]- Bezperatik ontzi estu batean aranak beratzen jarri brandy eta urarekin estaliz.
- Ahate gibela erretilu batean zabaldu.
- Labana txiki eta behatz-mamien laguntzaz lobuluak erditik zabaldu eta tartean dauden zain eta odolbilduak kendu.
- Zainak ondo garbitutakoan, piperrautsa, gatza eta azukrea banatu gainetik eta bere horretan 15 minutu eduki.
- Zabaldu film papera mahai baten gainean eta forma karratuarekin.
- Jarri honen gainean beste film paper zati bat tamaina berdinekoa.
- Paperaren erdian zabaldu ahate gibela.
- Gibelaren aurrean eta guregandik gertuen dagoen iskinean aranak zabalean alde batetik bestera jarri.
- Heldu eskuekin film paperaren alboari eta kontu handiarekin biltzen joan, alboetatik eta gainetik estutzen dugun bitartean.
- Film paperak beti kanpotik behar du joan.
- Bildu gibela zilindro estu batean, txotx batekin egin zulotxo batzuk barruko airea atera dadin.
- Eta berriro estutu, hari batzuekin alboetatik estu lotu.
- Kazola batean ura berotzen jarri.
- Urak irakiten hasi aurretik, 80ºC inguruan, sartu bertara gibela.
- Bertan eduki 5 minutuz, kanpoaldetik koipea ikusten dugun arte.
- Atera kazolatik eta hoztu ur hotzetan momentu batean.
- Hozkailuan gorde.
AHOLKUAK
[aldatu]- Normalean errezeta hau aranik gabe egiten da.
- Saltsa gozo eta marmelada desberdinekin zerbitzatzen da, baita ogi txigortuarekin ere.