Sukaldaritza liburua/Errezetak/Frorentina arrautzak

FLORENTINA ARRAUTZAK

MAHAIKIDEAK:4.

OSAGAIAK

• Oliba olio birjina: 50 ml.
• Urdaiazpiko gazia: 100 g. karratuan.
• Ziazerba: 750 g. egosi xukatu eta xehatua.
• Arrautzak: 4.
• Gurina: 25 g.
• Gazta birrindua: 100 g.
• Intxaur muskatu.
• Gatza.

PRESTAKETA

• Piztu labea 180ºC-tan.
• Zartagin batean jarri olio pittin bat sutan, gehitu urdaiazpikoa lehenik eta segundo gutxira ziazerba, salteatu elkarrekin. Ondu gatzarekin.
• Labeko erretilu batean egin 4 habia itxurakoak ziazerbekin eta arrautza kraskatu ondoren jarri horien erdian.
• Gehitu gainetik gazta birrindua, intxaur muskatua eta gurina.
• Sartu labera 8 bat minutuan, zuringoa mamitu bitartean.

AHOLKUAK

• Ziazerbak egosi 5 minutuan gatzatutako ur irakinetan. Segituan hoztu eta xukatu.