Sukaldaritza liburua/Errezetak/Itsaski krema
ITSASKI KREMA
MAHAIKIDEAK: 8
OSAGAIAK
[aldatu]- Oliba olio birjina: 100 ml.
- Baratxuria: 2 xerratu.
- Tipula : 1 dadotan.
- Azenarioa: 2 dadotan.
- Porrua: 1/2 dadotan.
- Xehatzeko ganba edo otarrainxka buruak: 300 g. maspilduak edo zapalduak.
- Brandya: Zurrusta luze 1.
- Ardo zuria: 100 ml.
- Tomate natural birrindua : 150 ml.
- Arrain salda: 3 l.
- Gatz fina: Gustuen arabera.
- Arto irin findua edo “maicena”: 50 g. inguru.
- Hornigaiak: Otarrainxkak edo ganba gorputzak salteatuak.
PRESTAKETA
[aldatu]- Kazola batean olioa baratxuriarekin sutan jarri.
- Baratxuria gorritzen hasitakoan gehitu tipula, porrua eta azenarioa eta su eztian barazkia gorritzen utzi.
- Maspildutako ganbak gehitu eta su bizian salteatu ondoren, brandyarekin garreztatu.
- Segidan ardo zuriarekin busti eta murrizten utzi, ondoren tomate saltsa eta azkenik arrain salda.
- Dena su baxuan 40 minutuz egosten utzi, xehatu irabiagailu edo puregailuarekin, ondoren eta iragazki fin batetik (garrantzitsua fina izatea).
- Lortutako saltsa berriro irakin eta gazitu.
- Arto irin findua ur hotz pitin batean disolbatu eta poliki poliki saldara gehitu, hagatxoarekin nahasten dugun bitartean, krema dentsitatea lortu arte.
- Amaitzeko otarrainxka edo ganba gorputz moztuak salteatu eta gehitu.
AHOLKUAK
[aldatu]- Errezeta honen zaporea itsaski buru kantitateak eta arrain saldak asko baldintzatuko dute. Urarekin ere egin liteke baina orduan itsaski gehiago gehituko genioke.
- Krema hau prestatzeko edozein itsaski buru erabil daiteke. Normalean, prezioagatik “arroz ganba”, izoztutako ganba merkeena erabiltzen da, xehatzeko izaten baita.
- Plater hauetan guztietan barazkiak ondo gorritzea eta jakiei denbora ematea ezinbestekoa da.