Sukaldaritza liburua/Errezetak/Kafe moussea
KAFE MOUSSEA
MAHAIKIDEAK: 6-8 lagunentzat.
OSAGAIAK
[aldatu]- Esne gaina: 500 ml.
- Gorringoa: 6.
- Zuringoa : 6 .
- Glas azukrea: 200 g.
- Kafe disolbagarria: 4 zorro.
PRESTAKETA
[aldatu]- Esne gaina azukre erdiarekin harrotu.
- Gorringoak ere azukrearen erdiarekin harrotu.
- Zuringoak ere harrotu.
- Kafe disolbagarriaren zorroak gorringo irabiatuan zabaldu eta hagatxoaren laguntzaz, ongi disolbatu. Horrek denbora eskatzen du.
- Behin ongi disolbaturik, esnegaina lehenik eta zuringoak ondoren nahastu.
- Nahasketa hau poliki-poliki egin behar da ongi elkartu arte.
- Ontzietan jarri eta hozkailuan gorde.
- Zerbitzatzeko kafe ale xigortu batzuk erabil genitzake.
AHOLKUAK
[aldatu]- Kafe moussea momentuan edo ahalik eta azkarren jan beharreko azkenburukoa da; ez badugu momentuan jan behar, gelatina pittin bat gehitzea komeni da.
- Osagai desberdinak nahasteko garaian, inoiz ez irabiatu, kontu handiarekin nahastu bakarrik.
- Gorringoak maria bainuan errazago harrotzen dira, baina kontuz urak inoiz ez du irakin behar, bestela, gorringoa gogortu egingo da.