Sukaldaritza liburua/Errezetak/Kardua saltsan

KARDUAK URDAIAZPIKOAREKIN

Karduak urdaiazpikoarekin saltsan

MAHAIKIDEAK: 4

OSAGAIAK

• Kardua: 1kg., garbitu eta zatitu.
• Gatza.
• Oliba olio birjina: 75 ml.
• Tipulina: 1 xehatu.
• Baratxuria: 2 xehatu.
• Urdaiazpikoa: 100 g. karratutan.
• Irina: 25 g.
• Kardu salda: Litro 1.

PRESTAKETA

Kardua, garbitu eta egosteko

• Kardua barazki handia da, gogorra eta zuntz askokoa; horregatik, bere bihotz edo zati zuria bakarrik aprobetxatzen da.
• 10-14 cm. inguruko zurtoin zuriak moztu, puntazorrotz labainarekin; alde batetik, duen haria, eta bestetik, duen tela moduko azala kendu.
• Presio eltze bat gatzarekin irakiten jarri.
• Kardua 5 cm. zatietan ebaki eta zati bakoitzaren hariak eta tela modukoa berriz errepasatu.
• Errepasatu ahala, ur irakinetara bota.
• Kardu zati guztiak ur irakinetan daudenean, presio tapa jarri eta 35 minutuz irakin.
• Sua itzali, eta bere horretan bakarrik hozten utzi, presioa galdu arte.
• Iragazi salda gordez.

Karduaren saltsa burutzeko

• Kazola zabal batean, oliba olioa, tipulinarekin su baxuan goxatzen jarri.
• Tipulina erdi eginik dagoenean, gehitu baratxuria eta utzi batera goxatzen.
• Nahasi lehenik urdaiazpikoa, eta ondoren irina, ongi nahasiz.
• Gehitu poliki-poliki kardu salda, saltsa arin bat egin arte.
• Bertaratu kardua eta batera egosi, saltsa dentsitatea lortu arte eta ondu.

AHOLKUAK

• Ohiko eltze batean kozinatuz gero, 2 ordu inguru beharko ditu egosteko.

• Karduak garbitu eta zuzenean banaka ur irakinetara gehitu behar dira, irakina galdu gabe. Beste aukera bat limoi zukua duen uretan edukitzea da, baina kasu honetan karduak azido zaporea hartuko du.