Sukaldaritza liburua/Errezetak/Muskuilu beteak
MUSKUILU BETEAK
MAHAIKIDEAK: 30 bat muskuilurentzat.
OSAGAIAK
[aldatu]- Muskuilua: 1 kg ondo garbituak.
- Ardo zuria: 100 ml.
- Ura: 100 ml.
- Oliba olio birjina: 150 ml.
- Tipula: ½ xehatu.
- Piper berde italiarra: 1 xehatu.
- Irina: 150 g.
- Tomate saltsa: 100 ml.
- Esnea: 800 ml. esne beroa.
- Muskuilu salda iragazia: 100 ml.
- Gatza, piperbeltz zuria.
- Arrautza, ogi birrindua: Birrineztatzeko.
- Ekilore olioa: Muskuiluak frijitzeko adina.
PRESTAKETA
[aldatu]- Muskuiluak garbitu eta ardo zuriarekin lurrunetan ireki. Haragia kendu eta labanarekin xehatu. Bertan gelditutako zukua iragazi eta gorde.
- Kazola bat sutan jarri, olioa tipula eta piper berdearekin, su motelean kozinatuko dugu.
- Jarraian irina gehitu, roux bat osatu eta su motelean 5 minutuz egosi.
- Esnea eta muskuiluaren zukua poliki-poliki gehitzen joan mugitzen dugun bitartean.
- Behin bexamela eginik, tomate saltsa eta muskuilu gorputzak gehitu, 15 minutuz irakiten su motelean, hagatxoarekin eragiteari utzi gabe.
- Gatz eta piperrautsarekin ondu.
- Ontzi batera atera eta hoztu aurretik, epelean, koilara batekin muskuiluak bete. Orain bai utzi hozten.
- Arrautza eta ogi birrinduetan pasa eta frijitu.
AHOLKUAK
[aldatu]- Gogoratu bexamel guztiak bezala, hagatxoarekin oso gainean egon behar dela.
- Irin zaporea ongi kentzeko 15-20 minutuan egosi behar dira.