Sukaldaritza liburua/Errezetak/Oinarrizko marmelada

OINARRIZKO MARMELADA ERREZETA

Marrubi magurdi eta bioleta marmelada

MAHAIKIDEAK:

OSAGAIAK

• Fruta pulpa: 500 g.
• Azukrea: 500 g.
• Limoia: 1 zukua.
• Kanela zotza: 1/2.

PRESTAKETA

• Garbitu fruta guztia eta zatitu.
• Jarri kazola batean azukrearekin batera, eta utzi hozkailuan 12 orduz.
• Su baxuan egosten jarri, ura lurrundu arte.
• Marmelada egina dagoela jakiteko tanta batzuk plater batera bota eta hoztutakoan ongi estaltzen duela ziurtatu.

AHOLKUAK

• Erabiltzeko garaian pitin bat berotu.
• Ur beroarekin ere arindu daiteke.
• Fruitu mota desberdinekin egin dezakegu.
• Fruitua heldua egotea komeni da.
• Azukre gutxiagoarekin egin daiteke, kasu horretan ez da kontserbatuko denbora luzez.
• Epe luzerako gordetzeko marmelada, ontzietan sartu eta bainu marian urarekin estali eta 15 minutuz esterilizatu.
• Marmelada egosten den bitartean, ur hotzetan bustitako brotxa bat pasa kazolako alboetan hau garbi mantenduz eta karamelurik egin gabe edukiz.
• Nahi izatera, gelatina orriren bat gehitu daiteke, hobeto kontserbatzeko, argiago izateko eta gorputz gehiago izan dezan.