Sukaldaritza liburua/Errezetak/Onddo budina

ONDDO BUDINA

MAHAIKIDEAK: 4

OSAGAIAK

• Tipula: 1/2 lerrotan.
• Porrua: 1/2 lerrotan.
• Oliba olio birjina: 75 ml.
• Gatza.
• Onddoak: 800 g., xerretan.
• Esne-gaina: 400 g.
• Arrautzak: 6.
• Piperbeltz zuria.

PRESTAKETAK

• Kazola zabal batean jarri, tipula, porrua, olioa eta gatza su eztian.
• Pata bat jarri eta goxatu barazkia ongi bigundu arte.
• Gehitu onddoak eta batera erregosi, onddoak duen ura lurrunetan bota arte.
• Nahasi esne gaina eta kozinatu batera minutu batzuetan.
• Sutatik kanpo gehitu arrautzak eta pasa dena irabiagailutik.
• Ondu gatza eta piperbeltz zuriarekin.
• Piztu labea 160ºC-tan.
• Estali budin molde bat gurin eta ogi birrinduarekin.
• Bete moldea, onddo kremarekin eta aluminio paperarekin estali.
• Egosi labean maria bainuan punta-zorrotza garbia atera arte.
• Utzi hozten moldetik atera baino lehen.

AHOLKUAK

• Onddoekin egin ordez, beste edozein perretxikorekin ere egin dezakegu, baina garrantzizkoa da kozinatzeko garaian lurrina galtzea; bestela, gerta liteke, budina behar den bezala ez mamitzea.

• Budina aluminiozko paperarekin estaltzea ez da ezinbestekoa, baina hori egin ezean, gainetik geruza gogor bat sortuko zaio.

• Budina egina dagoen jakiteko, punta-zorrotza edo txotx bat sartu behar zaio, egina dagoen jakitako; haiek garbiak atera beharko dute.