Sukaldaritza liburua/Errezetak/Pasta boloniar erara

PASTA BOLONIAR ERARA

MAHAIKIDEAK: 4

OSAGAIAK

• Espageti pasta: 360 g.
• Gatza.
• Oliba olio birjina: 70 ml.
• Tipula: 1 xehatu.
• Baratxuriak: 2 xehatu.
• Haragi xehatu: 400 g.
• Tomate saltsa: 500 ml.
• Gazta birrindua: 200 g.

PRESTAKETA

• Ur gazitu irakinetik abiatuta, pasta dagokion denboran egosi, hoztu eta gorde. Gogoratu beti pasta ur irakinetara gehitutakoan, minutu batez ongi nahasteaz, elkarri ez itsasteko.
• Kazola zabal batean olioa tipularekin sutan jarri, erdi eginik dugunean baratxuria gehitu, gorritzen hasitakoan, haragi xehatua nahasi.
• Sardexka batekin zapaldu haragia, suelto gelditu arte.
• Haragia eginik dugunean, tomate saltsa nahastu eta goxatzen utzi su motelean 20 minutuz. Ondu.
• Saltsa puntuan jarri eta pastarekin kontu handiarekin nahasi. Ondu.
• Gustukoa badugu, gazta birrindua gainetik bota.

AHOLKUAK

• Gogoratu pasta ur irakinetara gehitutakoan, minutu batez ongi nahasi behar dela elkarri ez itsasteko.
• Pasta bakoitzak irakiteko denbora desberdina du, beraz kasu egin ematen diguten denborei. Edozein kasutan norberak egiaztatu behar du puntua.
• Espagetiak momentuan jan beharko bagenitu, ez genituzke hoztu beharko.
• Tomate saltsa prestaturik ez bagenu, tomate birrindu naturala erabili eta haragiarekin 25 minutu kozinatuko genuke.