Sukaldaritza liburua/Errezetak/Patata pastela

PATATA PASTELA

Haragi pastela

MAHAIKIDEAK: 4

OSAGAIAK

• Patata ertaina: 2 kg.
• Gatza.
• Piperbeltza.
• Oliba olio birjina.
• Tipula: 1 xehatu.
• Piper berdea: 2 xehatu.
• Baratxuria: 2 xehatu.
• Haragi birrindu: 500 g.
• Tomate saltsa lodia: 400 ml.
• Gazta birrindua: 200 g.

PRESTAKETA

• Patatak azal eta guzti garbitu, ur gazitu hotzetan jarri, eta 25-30 minutuz su eztian egosi.
• Muturzorrotzarekin patata egina dagoela ziurtatu, eta erretilu batera atera.
• Zuritu patata eta puregailu batekin birrindu.
• Oliba olioa, gatza eta piperbeltzarekin ondu.
• Bestalde, jarri kazola zabal batean oliba olioa tipularekin eta piper berdearekin sutan.
• Su eztian erregosi, eta erdi eginik dugunean, gehitu baratxuria.
• Barazkia ongi gorritua dugunean, haragi xehatua gehitu, sardexka batekin ongi zanpatuz.
• Barazkia eta haragi xehatua, nahasi eta busti tomate saltsarekin.
• Goxatu 10 minutu inguruan tomatea eta haragia ongi bateratu arte.
• Labeko erretilu batean jarri lehenik, patata purea, ondoren, hori haragi xehatuarekin estali eta hau berriro tapatu patata purearekin.
• Gazta birrinduarekin estali eta labera sartu gainerrez.

AHOLKUAK

• Patataren mamia ahalik eta horiena duena aukeratzea inportantea da purea egin behar denerako.