Sukaldaritza liburua/Errezetak/Patatak errioxar erara

Wikibookstik

PATATAK ERRIOXAR ERARA

MAHAIKIDEAK: 4

OSAGAIAK[aldatu]

  • Piper txorizeroa: 2 hidratatu, zuritu eta mamia xehatua.
  • Tipula: 1 dadotan.
  • Piper berde italiarra: 1 dadotan.
  • Oliba olio birjina: 50 ml.
  • Txorizo freskoa: 400 g. zatitu.
  • Tomate birrindua: 100 ml.
  • Patata: 1500 g., zuritu eta kraskatu.
  • Gatza.
  • Piperrauts gazi eta gozoa.

PRESTAKETA[aldatu]

  • Bezperatik piper txorizeroak uretan hazirik gabe eta beratzen jarri. Beste aukera bat da momentuan 5 minutuz egostea. Piper txorizeroaren mamia bereizi eta xehatu.
  • Tipula eta piper berdea kazola batean olioarekin su eztian erregosi.
  • Ondo goxatutakoan txorizoa gehitu eta eduki 5 minutuz, zu ertainean.
  • Erretiratu soberako koipea eta gehitu, tomate birrindua eta piper txorizeroa.
  • Sutan jarri eta pittin bat lehortu, patatak gehitu eta urarekin busti.
  • Egosi 30 minutu inguru patata ongi bigundu arte.
  • Amaieran gatz eta piperrautsarekin ondu.

AHOLKUAK[aldatu]

  • Gaur egun txorizo fresko batzuek koipe asko dute, kazolara gehitu aurretik aparte salteatu eta koipe hori kentzea aukera bat da.
  • Saltsa lodiagoa nahi izanez gero, patata denbora gehiagoan egos genezake edo sardexka batekin batzuk puskatu.