Sukaldaritza liburua/Errezetak/Perloi egosia patatekin

PERLOI EGOSIA PATATEKIN

Perloi egosia patataekin

MAHAIKIDEAK: 4

OSAGAIAK

• Patata: 600 g., zuritu eta zati ederretan kraskatu edo xerratua.
• Tipula: 1 lerrotan.
• Porrua: 1 lerrotan.
• Azenarioa: 1 lerrotan.
• Perloia: 2 ale 600 g. ingurukoak edo 4, 300 g. inguruko.
• Oliba olio birjina: 150 ml.
• Baratxuria: 4 xehatu.
• Pipermin lehorra: Xerra 1.
• Ezpeletako piperrautsa.

PRESTAKETA

• Jarri kazola zabal bat ura gatza eta patatekin sutan.
• Ura irakiten hasitakoan gehitu, tipula, porrua eta azenarioa.
• Hau berriro irakiten hasitakoan gutxitu sua eta 7 minutu inguru egosi.
• Su oso baxuan dagoenean salda, sartu bertan perloiak eta egosi 7-10 minutu inguru, tamainaren arabera, gogoratu beti su oso baxuan.
• Arraina eginik dugunean berezitu, erretilu batean, barazkia, patata eta arraina.
• Piperrautsa lehenik zabaldu arrai eta patataren gainean eta ondoren olioa, pipermina eta baratxuriarekin egindako olio-errea.
• Berreskuratu erretilu azpian dagoen salda eta koilara batekin berriro patatak eta arraina estali.
• Barazkiak gatzatu.

AHOLKUAK

• Perloia handia bada egosi aurretik zatitu daiteke.
• Kontu eduki perloiak egosteko garaian su baxuan egitea bestela erraz puskatuko bai da.
• Perloia hezur ugari duen arraia dugu, beraz pazientzia izan edozein kasutan plater hau edozein arrai zurirekin prestatu dezakegu. Kraba, legatza....