Sukaldaritza liburua/Errezetak/Tiramisu tarta

TIRAMISU TARTA

Tiramisu tarta

6 pertsonentzat

OSAGAIAK

Bizkotxoa egiteko

• Irina: 65 g. 
• Legamia hautsa: 5.
• Arrautzak: 4.
• Azukrea:  65 g.

Krema egiteko

• Esne-gaina: 400 ml.
• Azukrea: 100 g.
• Gorringoak: 4.
• Mascarpone gazta: 400 g.
• Gelatina: 4 g.

Estalkia egiteko

• Ura: 200 g.
• Azukrea: 150 g.
• Almendra likorea: Zurrusta motz 1.
• Kafe espreso bikoitza: 1.
• Kakao hautsa: 50 g.

PRESTAKETAK

Bizkotxoa egiteko

• Labea 180Cº-tan piztu, labeko erretilu batean labeko papera jarri.
• Irina, eta legamia elkartu eta bahetu.
• Pertz batean arrautzak azukrearekin  harrotu, zuritu arte.
• Kontu handiarekin irina, eta legamia-hautsa nahasi.
• Mahuka batean sartu eta  labeko erretilu batean zabaldu eta kolpe batzuk eman erretiluari mahai gainean.
• Egosi  15 minutu inguruan. Labetik atera bezain pronto, ontzitik atera  eta hozten utziko dugu.

Krema egiteko

• Esne-gaina irakin.
• Pertz batean gorringoak azukrearekin irabiatu eta gehitu esne-gain beroa.
• Maria bainuan jarri, eta hagatxoarekin momenturo mugituz 83ºC-tara eraman.
• Maria bainutik atera eta jarraitu nahasten.
• Gelatina orria beratu eta sartu natilla honetan.
• Jarraian, mascarpone gazta gehitu dena ongi nahastuz.
• Bizkotxoaren gainean jarri, guztiz hoztu aurretik.

Jarabea egiteko

• Ura eta azukrea irakiten jarriko ditugu.
• Ispilutxo puntua hartutakoan, sua itzali eta hozten utzi.
• Hoztutakoan, likorea eta kafea gehituko dizkiogu.

Tarta muntatzeko

• Bizkotxo plaka guk aukeratutako moldearen forman ( karratua, budin modukoa, borobila...) moztu.
• Moldearen azpian jarri, moztutako bizkotxoa.
• Busti, mozkortu, jarabearekin eta horren gainean zabaldu gaztaren krema.
• Sartu hozkailura eta utzi guztiz hozten.
• Amaitzeko, zabaldu gainetik kakao hautsa.

AHOLKUAK

• Nahi izatera, eta haurrentzat bada, ken daiteke likorea.
• Gelatina duenez, kremak erabili guztiz hoztu aurretik.