Sukaldaritza liburua/Errezetak/Tripakiak

Tripakiak

TRIPAKIAK

MAHAIKIDEAK: 6

OSAGAIAK

Tripakia egosteko

• Txahal tripaki: 1500 g. inguruko txahal urdai bat.
• Tipula: 1 zuritu eta erdibitu.
• Porrua: 1 garbia.
• Azenarioa: 1 garbia.

Saltsa egiteko

• Txorizo freskoa: 150 g.
• Pipermin lehorra: Xerra 1.
• Urdaiazpiko gazia: 150 g. dadotan.
• Piper saltsa: 400 ml.
• Tripaki salda edo salda zuria. 200 ml.
• Gatza.

PRESTAKETA

• Piper saltsa bat egin.
• Tripakiak ongi garbitu.
• Kazola normal edo presio eltze batean barazkiarekin gatz-ur hotzarekin irakiten jarri. Tripakiek ongi egosteko denbora dezente behar izaten dute, kazola normalean 4 ordu , presioa eltzean berriz, ordu bete.
• Tripakiak egosita ditugunean, 3x3 cm inguruko karratuetan moztu.
• Beste kazola batean pipermina, txorizoa eta urdaia erregosi.
• Soberan duen koipea erretiratu.
• Piper saltsa, salda eta tripakiak gehitu.
• Dena batera egosi, ongi bateratu eta goxatu arte.
• Gatza eman.

AHOLKUAK

• Gaur egun tripakiak oso garbi saltzen dituzte eta uretan garbitzea nahiko izaten da. Garai batean ura eta ozpinarekin garbitzen ziren.
• Tripakiak, egosi eta zatituta ere saltzen dira, horrela erosiko bagenitu, plater hau prestatzea askoz errazagoa eta azkarragoa litzateke.
• Piper saltsaren ordez, etxeko tomate saltsa bat piper txorizeroaren mami xehatuarekin erabili dezakegu.