Sukaldaritza liburua/Errezetak/Txerri hankak

TXERRI HANKAK SALTSAN

Txerri hanka

MAHAIKIDEAK: 4.

OSAGAIAK

Hankak egosteko

• Porrua: 1 garbia.
• Azenarioa: 1 garbia.
• Tipula: 1 zuritu eta erdibitua.
• Perrexila: Sorta txiki 1.
• Txerri hanka: 8 erdibitu, ileak erreak eta garbiak.
• Gatza.

Saltsa prestatzeko

• Tipula: 1 lerrotan.
• Oliba olio birjina: 50 ml.
• Egositako barazkiak: Dadotan perrexila izan ezik.
• Tomate saltsa: 200 ml.
• Txerri hanka salda : 400 ml.
• Gatza.

PRESTAKETA

Txerri hanka egosteko

• Tipula izan ezik beste barazkiak soka batekin lotu, barazki sorta bat osatuz.
• Kazola batean ur hotzetan, txerri hankak, sokarekin bildutako barazki sorta, tipula eta gatza jarri sutan. Egosten eduki 2 ordu inguruz haragia bigundu bitarte Presio eltzean 40 minutu inguru.
• Egosita daudenean, hankak erretilu batera atera eta barazkiak beste batera eta salda iragazi.

Saltsa prestatzeko

• Kazola batean tipula olioarekin sutan jarri, kolorea hartzen hasten denean, egosteko erabili dugun barazkia gehitu eta horri ere kolore pitin bat eman. Jarraian tomate saltsa eta salda gehitu.
• 30 minutuz egosi.
• Irabiagailutik eta txinotik pasa, beste irakinaldi eman eta ondu.
• Amaitzeko, hankak eta saltsa elkartu eta elkarrekin egosi saltsa ongi bateratu bitarte eta ondu.

AHOLKUAK

• Txerri hankek denbora behar dute egosteko, presio eltze batean asko aurreratuko genuke.
• Txerri hankak egosi ondoren arrautzaztatu ere egin ditzakegu eta saltsa alboan aurkeztu.