Sukaldaritza liburua/Errezetak/Txitxirioak

TXITXIRIOAK (GARBANTZUAK)

MAHAIKIDEAK: 8

OSAGAIAK

• Txitxirioak edo garbantzua: 800 g.
• Porrua: 1 xehatu.
• Azenarioa: 1 xehatu.
• Perrexila: Sorta txiki 1 listariarekin lotua.
• Txerri saiheskia: 600 g.
• Tipula: 1 xehatu.
• Baratxuria: 2 xehatu.
• Oliba olio birjina: 150 ml.
• Txorizo freskoa: 400 g., 10 minutuz gatz-uretan egosia eta epelean zatitu.
• Gatza.

PRESTAKETA

• Garbantzuak bezperatik beratzen jarriko ditugu ur epeletan; egosi aurretik ura kenduko diegu.
• Kazola bat urarekin sutan jarri ( kontuz ez jarri ur gehiegi) eta irakiten hasitakoan, beratzen egondako garbantzuak bertara botako ditugu.
• Irakiten hasten denean, bitsa kendu eta sua txikituko dugu.
• Porrua, azenarioa , perrexila eta saiheskia gehitu.
• Eduki su baxuan ordu bete irakiten eta erretiratu txerri saiheskia eta perrexila.
• Tipula zartagin batean olioarekin sutan jarri erdi eginik dugunean gehitu baratxuria eta elkarrekin utzi goxatzen, ondoren gehitu txitxirioei.
• Garbantzuak bigundu bitartean irakiten utzi, 90 minutu inguru.
• Gatza eman txorizoa eta saiheski gehitu eta bere horretan eduki 15 minutuz jan aurretik.

AHOLKUAK

• Hornigaiak nahasturik edo aparte zerbitza daitezke.
• Txitxirioei egosteko garaian inoiz ez bota ur hotza kantitate handietan.
• Bikarbonato pitin batekin beratzeak, txitxirioak hobeto biguntzen laguntzen du.