Sukaldaritza liburua/Errezetak/Urdaiazpiko kroketak

Wikibookstik
Nabigaziora joan Bilaketara joan

URDAIAZPIKO KROKETAK

Urdaiazpiko kroketak

KOPURUAK: 30-40 kroketa egiteko.

OSAGAIAK[aldatu]

  • Gurina 120 g.
  • Irina: 130 g.
  • Esnea: Litro 1 epela edo beroa.
  • Urdaiazpiko gazia: 150 g birrindua.
  • Piperrauts zuria, gatza, intxaur muskatua.
  • Arrautza, ogi birrindua, ekilore olioa: Birrineztatzeko.
  • Ekilore olioa.

PRESTAKETA[aldatu]

  • Kazola batean irina eta gurina nahasi roux bat eginez, hagatxoarekin eraginez 5 minutuz su motelean egosi.
  • Esne beroa poliki poliki gehitu, bexamelari pinportarik ez ateratzeko.
  • Irakiten hasitakoan, urdai birrindua gehitu, 15 minutuz kozinatu, gatz, piper zuri, eta intxaur muskatuarekin ondu.
  • Bexamela ontzi batera atera eta gurinarekin margotu.
  • Orea hozturik dugunean eta eskuak ekilore olioz bustirik, orea puskatu, eta kroketa forma eman . Borobilak, luzeak, handiak, txikiak...
  • Forma emandakoan, arrautzetan eta ogi birrinduetan pasatu.

AHOLKUAK[aldatu]

  • Kroketa edo bexamel ore gehienen akats nagusia, irin zaporea izatea da eta lagungarria ( urdaiazpikoa) gutxiegi. Horretarako irina gutxienez 15 minutuz egosi behar da.
  • Beste akats bat irinaren kantitatearekin ez asmatzea izaten da, orea bigunegia izatea eta ezin forma ematea. Nik, kroketak egiteko, litro esneko, 120 g eta 150 g irin artean erabiltzen dut. Lagungarria lehorra bada, (urdaiazpikoa) 120g eta urtsuagoa bada, irin gehiago gehitzen diot.
  • Bestetik, kroketak biltzeko garaian, ez dugu irinik erabiltzen, hemen ere irin zaporea kentzeko.
  • Azkenik, frijitzeko garaian beti su bizian egin behar da eta inoiz ez, kroketa gehiegi batera.