Sukaldaritza liburua/Errezetak/Urraburua gatzetan

URRABURUA GATZETAN TOMATE OZPIN-OLIOAREKIN

MAHAIKIDEAK: 4

OSAGAIAK

Urraburua: 1500-1600 g. arraina, tripak, ezkatak, zakatzak eta odol bilduak kenduta.
Itsasoko gatza: 2 kg. inguru.
Ezkaia: Sorta txiki baten hostoak.
Perrexila: Sorta txiki 1 xehatu.
Olio oliba birjina: 150 ml.
Tomate naturala: 2 pieza, zuritua, hazirik gabe eta dado txikitan.
Tipulina: 1 dado txikitan.
Jerez ozpina: Tanta batzuk.
Gatza.

Piztu labea 220ºCtara.
Pertz batean itsasoko gatza nahasi perrexila ezkaiarekin eta ur pitin batekin.
Labeko erretilu batean gatz ohe bat egin.
Honen gainean arraina etzanda jarri eta gainontzeko gatzarekin estali.
Sartu arraina labera eta erre 20 minutu inguru.
Labetik atera eta utzi bere horretan minutu batzuk.
Kolpe batzuk emanez, zartatu gatza eta erretiratu.
Espatula baten laguntzaz arrainaren xerra nagusiak kontu handiarekin bizkar hezurretik banandu eta aparteko erretilu batean jarri.
Beste alde batetik, katilu batean nahastu tomatea, tipulina, olioa, ozpina eta gatza.
Jarri ozpin-olio hau arrainaren gaineti edo alboan.

Arrainaren tamainak baldintzatuko du erretzeko denbora. Kg inguruko arraina 15 minutuz erreko dugu.
Beste edozein saltsa edo hornigai erabili dezakegu.