Sukaldaritza liburua/Errezetak/ Itsaski saltsa

Wikibookstik
Nabigaziora joan Bilaketara joan

ITSASKI SALTSA EDO AMERIKARRA

Itsaski saltsa edo saltsa amerikarra

MAHAIKIDEAK: 2 litro saltsa ateratzeko.

OSAGAIAK[aldatu]

  • Oliba olio birjina: 70 ml.
  • Baratxuria: 2 xerratu.
  • Tipula: 2 dadotan.
  • Azenarioa: 2 dadotan.
  • Porrua: 1 dadotan.
  • Xehatzeko ganba: 400 g almaizean birrindu.
  • Ardo zuria: 100 ml.
  • Brandya: Zurrusta motz 1.
  • Tomate saltsa: 200 ml.
  • Arrain salda: 3 l.
  • Arto irin findua: 20 g.

PRESTAKETA[aldatu]

  • Kazola bat olio eta baratxuriekin sutan jarri.
  • Baratxuria gorritzen hasitakoan, tipula, porrua eta azenarioa gehitu.
  • Su ertainean eduki barazkiak gorritu arte, ganbak gehitu eta brandyarekin garreztatu. Ongi nahasi eta ganba buruak gorritzen utzi.
  • Jarraian, ardo zuria gehitu eta hau murriztutakoan tomate saltsa lehenik eta arrain salda ondoren.
  • 40 minutuz egosten utzi, ondoren irabiagailuan xehatu eta iragazki oso fin batetik pasatu.
  • Lortzen dugun saltsa berriro irakin. Uretan disolbatutako arto irin finduarekin dentsitatea zuzendu. Bukatzeko gazitu.

AHOLKUAK[aldatu]

  • Ganba eta itsaskiek buruan hondar fin-fin moduko bat askatzen dute. Hori ondo kentzeko, pasa behar dugun iragazkiak oso fina izan beharko du.