Errezeta-liburua/Txanpinoi txapela barazki panatxe eta Idiazabalgo gaztarekin

Wikibookstik
Jump to navigation Jump to search

Txanpinoi txapela barazki panatxe eta Idiazabalgo gaztarekin[1]

Pausoak[aldatu]

Errezetarekin hasteko, barazki guztiak garbitu beharko ditugu, eta behar diren barazkiak zuritu beharko ditugu. Kuiatxoaren kasuan, barruko mami txuria kenduko diogu, eta azala gorde.

Lapiko bat urez bete, eta gatza botako diogu. Berotzen jarriko dugu, irakiten hasi arte. Bitartean, barazki guztiak makilatxo forman moztuko ditugu. Denak tamaina bertsuan.

Lapikora gehituko ditugu, baina barazki mota bakoitza aldiko multzo desberdinetan egosiz. Bakoitzak behar duen denbora kontuan hartuta.

Denak egosi ondoren, ur hotzetik pasako ditugu. Oso garrantzitsua da hori, egosketa puntua eta kolore biziagoa manten dezaten.

Ondoren, txanpinoiei txortena kendu, errezeta honetarako txapelak bakarrik erabiliko ditugu eta.

Zartagin handi batean, plantxa baten modura, txapelak pare bat minutuz frijitu bi aldeetatik. Gatza eta oliba olio txorrota bat bota.

Ondoren, labeko erretilu batean jarri, txapelen zulotxoak gora begira ditugularik. Orain, zartagin berean oliba olio txorrota bat bota, eta egosiak ditugun barazki guztiak bertan erregosi, su bizian, pare bat minutuz. Barazki egosien nahasketa horri panatxea deitzen zaio.

Ondoren, txapel bakoitzaren barruan panatxea jarri, koilara baten laguntzaz. Azkenik, erretilua labean sartu. Aurrez berotuta egon behar du, 180 gradutan, hiru bat minutuz.

Labetik atera bezain laster, barazkien gainean, Idiazabalgo gaztaren xafla fin bana jarri, eta oliba olio txorrota batez azken ukitua eman.


Erreferentziak[aldatu]