Sukaldaritza liburua/Errezetak/Barazki krema
BARAZKI KREMA
MAHAIKIDEAK: 6
OSAGAIAK
[aldatu]- Oliba olio birjina: 50 ml
- Gurina: 50 g
- Baratxuria: 2 xerratu.
- Tipula : 1 dadotan.
- Porrua:1 garbitua eta dadotan.
- Azenarioa: 2 zuritu eta dadotan.
- Kuia: 20 0g dadotan.
- Kuiatxoa: 1 zuritu gabe eta dadotan.
- Perrexila edo martorria: Sorta txiki bat xehatu.
- Barazki salda edo ur beroa: Tapatzeko adina.
- Tamari saltsa: Tanta batzuk edo gatza.
- Ogi mamia: Karratutan.
- Oliba olioa: Ogia frijitzeko.
PRESTAKETA
[aldatu]- Kazola zabal batean koipea baratxuriarekin sutan jarri, gorritzen hasitakoan, tipula, porrua eta azenarioa gehitu eta sueztitu egingo ditugu, kolore gorrixka hartzen hasten denean kuia, kuiatxoa eta perrexila edo martorria gehitu. Elkarrekin kozinatuko ditugu barazkiak, saldarekin busti eta 20 minutuz egosi.
- Irabiagailuarekin ongi xehatuko dugu, krema dentsitatea izan arte. Salda gehiago beharko balu, zuzendu egingo genuke. Gatzarekin edo tamariarekin ondu.
- Zartagin batean eta olio beroarekin ogi mami zatiak frijitu. Horiek kremaren gainean jarri.
AHOLKUAK
[aldatu]- Bukaeran esne-gaina gehitzen beste aukera bat da.
- Beste edozein barazkirekin ere egin daiteke, dentsitate bera lortuz.