Sukaldaritza liburua/Errezetak/Barraskiloak bizkaitar erara

BARRASKILOAK BIZKAITAR ERAN

Barraskiloak bizkaitar eran

MAHAIKIDEAK: 4

OSAGAIAK

• Piper txorizeroa: 8.
• Barraskiloa: 1 kg, oskol gogorrekoa eta hautsi gabeak.
• Gatza.
• Oliba olio birjina: 150 ml.
• Baratxuria: 2, xerratu.
• Pipermin lehorra: Xerra 1.
• Tipula gorria: 2 lerrotan.
• Tomate saltsa lodia: 200 ml.
• Ogi txigortua: 2 xerra.
• Salda zuria: 1 l.
• Hirugiharra: 400 g dadotan.

PRESTAKETAK

Barraskiloa egosteko

• Barraskiloak 15 egunez barraskilo sare batean edukiko ditugu, purga daitezen.
• Egunak pasatutakoan, eta txotx baten laguntzaz barraskiloei, banan-banan kanpoko azal lehorra zartatu eta gatzarekin estali.
• Utzi minutu batzuetan, barraskiloak barruko zikina kanpora dezaten.
• Ur ugaria erabiliz, ondo garbitu.
• Garbitu ondoren 50ºC dagoen barazki salda batean sartu eta 20 minutuz irakin.
• Irakiten duen bitartean bitsa momentu oro kendu.
• Ondoren saldarekin dagoen bigarren kazola batean beste 40 minutuz egosi. Salda hori iragazi eta gorde.

Saltsa prestatzeko

• Bezperatik piper txorizeroa txorten eta hazirik gabe ur epeletan beratzen jarri edo 5 minutuz egosi. Puntazorrotz labainarekin mamia karrakatuz kendu, xehatu eta gorde.
• Kazola zabal batean olioa baratxuri eta piperminarekin jarri su eztian.
• Baratxuria kolorea hartzen hasitakoan, pipermina kendu eta tipula gehitu.
• Goxatu konfitatu arte. Jarraian, piper txorizeroaren haragia, tomate birrindua, ogi txigortua eta salda gehitu eta 30 minutuz su baxuan, kozinatzen eduki.
• Irabiagailua edo puregailua lehenik, eta iragazki txinotik pasa ondoren.
• Kazola batean olio tanta batekin hirugihar dadoak salteatu ondoren, gehitu barraskiloak eta bizkaitar saltsa.
• Egosi su oso baxuan barraskiloak ongi busti eta saltsarekin estali arte.

AHOLKUAK

• Barraskiloak ongi egosirik ditugunean, edozein saltsa motarekin presta ditzakegu.
• Hirugiharra erabili beharrean, haragi xehatua era erabili genezake.