Sukaldaritza liburua/Errezetak/Barrengorri krema

TXANPIÑOI KREMA

MAHAIKIDEAK: 4.

OSAGAIAK

• Gurina: 50 g.
• Oliba olio birjina: 50 ml.
• Baratxuria: 2 ale xerratu.
• Porrua: 1/2 dadotan.
• Tipula: 1/2 dadotan.
• Barrengorriak: 300 g. xerratu.
• Patata: 250 g. dadotan.
• Perrexila: Sorta txiki bat xehatu.
• Barazki salda, salda zuria edo ura: Estaltzeko.
• Gatza.

PRESTAKETA

• Jarri kazola batean gurina, olioa eta baratxuria.
• Baratxuria gorritzen hasitakoan, gehitu tipula eta porrua.
• Ongi goxatutakoan barrengorriak erantsi eta horiek ere erregosi.
• Gehitu patatak eta perrexila eta busti saldarekin.
• Utzi 25 minutuz irakiten, pasa irabiagailutik krema oso fin bat lortu arte; beharrezkoa balitz, txinotik pasa.
• Zuzendu saldarekin, horrela beharko balu.
• Irakinaldi bat eman eta ondu.
• Nahi izatera zartagin batean eta olio beroarekin ogi mami edo urdaiazpiko zatiak frijitu. Horiek kremaren gainean jarri.

AHOLKUAK

• Amaieran, nahi izanez gero, esne gain zurrusta bat gehitu.
• Behin hoztu ondoren, maria bainuan edo mikrouhinean berotu beharko dugu.