Sukaldaritza liburua/Errezetak/Behi muturra betiko eran

Muturrak betiko eran

MUTTURRAK BETIKO ERAN

MAHAIKIDEAK: 4

OSAGAIAK

Muturrak egosteko

• Behiki muturra: 1000 g.
• Tipula: 1 zuritua eta erdibitua.
• Porrua: 1 garbia.
• Azenarioa: 1 garbia.
• Perrexila: Sorta txiki bat ongi garbitua.

Saltsa prestatzeko

• Piper txorizeroa: 2.
• Oliba olioa: 100 ml.
• Tipula: 1 lerrotan.
• Tomate birrindua: 100 ml.
• Mutur salda . 200 ml.
• Salda zuria: 200 ml.
• Gatza.

PRESTAKETA

Muturrak egosteko

• Muturrak uretan ondo garbitu eta 5 minutu zuritu.
• Barazkiak garbitu eta tipularekin izan ezik besteekin barazki-sorta osatu.
• Kazola normal edo presio eltze batean barazki-sorta, tipula eta gatz-ur hotzarekin egosten jarri. Muturrak ongi biguntzeko denbora dezente behar izaten dute, kazola normalean 2 ordutik gora. Espres ontzian 30 minutu gutxienez, denbora hau pasa ondoren ikusi gehiago behar duen.
• Muturrak egosita ditugunean uretatik atera eta hozten utzi. Barazkiak eta salda gorde.
• Moztu muturrak zati txikietan eta barazkia dado handitan.

Saltsa prestatzeko

• Bezperatik piper txorizeroa txorten eta hazirik gabe ur epeletan beratzen jarri edo momentuan 5 minutu egosi. Puntazorrotz labainarekin mamia arraskatuz kendu, xehatu eta gorde.
• Kazola batean tipula olioarekin sueztitzen jarri.
• Gorriturik dituenean, egosteko erabili dugun barazkia gehitu eta hauek ere erregosi, tomate birrindua gehitu eta 10 minutuz kozinatua.
• Saldak gehitu eta 30 minutuz su baxuan egosi.
• Puregailutik lehenik eta txinotik pasa ondoren, irakin eta puntuan jarri.

Amaitzeko

• Elkartu saltsa eta mutur haragia eta egosi elkarrekin, muturrak ongi bigundu bitarte.
• Behin muturrak ongi bigundu eta saltsa guk nahi dugun dentsitatea lortu duenean ondu.

AHOLKUAK

• Gaur egun muturrak oso garbi saltzen dituzte eta uretan garbitzea nahiko izaten da.
• Muturrak, egosi eta zatituta ere saltzen dira, horrela erosiko bagenitu, plater hau prestatzea askoz errazago litzateke.