Sukaldaritza liburua/Errezetak/Gazta tarta mugurdi mermeladarekin

GAZTA TARTA MUGURDI MARMELADAREKIN 

MAHAIKIDEAK: 8.

OSAGAIAK

Gaileta egiteko

• Irin ahula: 250 g. bahetu.
• Gurina: 150 g. pomada puntuan.
• Azukrea: 50 g.
• Arrautza: 1.
• Gatz fina: Pitin bat.

Tartaren betegaia

• Gazta krema: 400 g.
• Esne gaina: 400 ml.
• Azukrea: 100 g.
• Gelatina: 15 g.

Tarta amaitzeko

• Mugurdi marmelada: 200g.

PRESTAKETA

Gaileta egiteko

• Irinarekin sumendi bat egin mahai batean edo katilu batean: erdian gurina, azukrea, gatza eta arrautza jarriko ditugu.
• Poliki dena nahastuz joango gara, bola bat osatuz.
• Katilu  batean jarri: trapu heze batekin estali eta bi orduz gutxienez eduki behar da hozkailuan erabili aurretik.

Tartaren betegaia

• Pertz batean gazta krema, azukrea eta 2/3 esne gaina hagatxoarekin nahastu.
• Gelatina orriak ur hotzetan beratzen jarri.
• Erabili ez dugun esne gaina epeldu eta bertan urtu gelatina orriak.
• Nahastu gazta krema eta esne gain epela.
• Ongi irabiatu eta utzi epeltzen.
• Krema hau ez da guztiz hozten utzi behar, bestela gogortu egingo da.

Tarta amaitzeko

• Labea 160Cº-tan piztu. Tarta moldea gurinez eta irinez estali.
• Arrabolaren  laguntzaz, gaileta orea zabaldu eta tartaren moldea  estali.
• Aluminio paperarekin estali eta gainean etxean eduki ditzakegun garbantzu edo babarrun zahar batzuk jarri, pastel osoa ongi estaliz.
• Sartu labera eta egosi oinarria 15-20  minutuz.
• Labetik atera eta kendu aluminio papera eta lekaleak.
• Jarraian, krema  moldearen azpialdean zabaldu eta utzi ongi hozten.
• Behin hoztuta, mugurdi marmelada zabaldu gainetik eta moldetik erretiratu.

AHOLKUAK

• Gazta krema ez da komeni oso likido jartzea gailetaren oinarrian, bestela hau azkar bigunduko da.
• Edozein marmelada jar daiteke gainean; hori egin ezean, gazta krema azkar lehortuko da.