Sukaldaritza liburua/Errezetak/Irasagarra 2
Errezeta-liburuaren parte. Irasagarra[1]
Osagaiak[aldatu]
4 pertsonarentzako osagaiak:
- 2 kilo irasagar.
- Kilo bat azukre.
- Ur pixka bat.
Pausoak[aldatu]
Gaurko errezeta erraza da, eta oraindik ere etxe batzuetan egiten da, garaian garaiko produktu naturalak erabiliz.
Lehenik, irasagarrak garbitu, txortena kendu, eta erditik ebaki, labana baten laguntzaz. Bihotz aldea kendu, eta zatitu. Guztia lapiko zabal batean ipini, eta ur pixkatxo bat bota.
Lapikoa erdiko suan berotzen jarri, eta urak lagunduko digu irasagar pusketak urtzen. Irasagarra desegiten hasten denean, sua pixka bat bizitu, eta salda guztia lurrintzen eduki. Sikatze puntura ailegatzean, irasagarrak kolore ilunagoa hartuko du, eta hori komeni da.
Puntu honetan, irazgailu baten laguntzaz, guztia beste lapiko batean ipini, eta berriro erdiko suan jarri. Gero, azukrea bota, eta guztia nahastu. Irakiten eduki testura lodi bat lortu arte. Kontuz ibili zipriztinekin, nahiko arriskutsuak gerta daitezke eta, bero handia hartzen baitu irasagarrak. Bukatzeko, ontzi polit batera pasatu, eta hozten utzi; hurrengo egunerako mozteko prest egongo da.
Erreferentziak[aldatu]
- ↑ Iker Markinez. Berria: https://www.berria.eus/egilea/Iker_Markinez/18