Sukaldaritza liburua/Errezetak/Kuia krema
KUIA KREMA
MAHAIKIDEAK 4.
OSAGAIAK
[aldatu]- Oliba olio birjina. 100 ml.
- Baratxuria: 2 xerratu.
- Tipula: 1 dadotan.
- Kuia: 500 g. dadotan.
- Ardo zuria: 100 ml.
- Barazki salda, salda zuria edo ura, estaltzeko.
- Gatza.
- Piperbeltz zuria.
PRESTAKETA
[aldatu]- Eltze batean olioa baratxuriarekin sutan jarri; gorritzen hasitakoan, gehitu tipula.
- Kolorea hartzen hasitakoan, kuia gehitu eta hori ere su ertainean kozinatu 5 minutuz.
- Busti ardo zuriarekin lehenik eta hau murriztutakoan saldarekin estali.
- Utzi egosten 25 minutuz.
- Irabiagailutik pasa, krema fin bat lortu arte. Krema dentsitatea sortzeko salda gehiago beharko balu gehitu.
- Irakinaldi bat eman eta ondu.
- Nahi izatera zartagin batean eta olio beroarekin ogi mami edo urdaiazpiko zatiak frijitu. Horiek kremaren gainean jarri.
OHARRAK
[aldatu]- Kontu izan gehitzen diogun likido kantitatearekin, gehiegi gehitu ezkero urtsuegi gera daiteke.
- Krema lodiagoa nahiko bagenu, likidoarekin batera patata bat zatitua gehitu dezakegu.
- Sukaldari askok amaieran esne-gain zurrusta bat gehitzen diote. Hori bakoitzaren aukeran.
- Kremak bukaeran nahi izatera txinatar iragazkitik pasatu daitezke finago geratzeko.