Sukaldaritza liburua/Errezetak/Orein erregosia

OREIN ERREGOSIA

Oreina erregosia

MAHAIKIDEAK: 4

OSAGAIAK

• Orein haragia, gaztea bada hobe: 1200 g.
• Tipula: 2 dadotan.
• Azenarioa: 2 dadotan.
• Porrua: 1 dadotan.
• Ardo beltza: 400 ml.
• Ezkaia: Adaxka 1.
• Gatza.
• Irina 100 g.
• Oliba olio birjina: 300 ml. oreina frijitzeko.
• Sagarra: 1/2 dadotan.
• Orein salda iluna: 400 ml.

PRESTAKETAK

• Garbitu orein haragia, gantz eta nerbioak kenduz.
• Moztu oreina karratu handietan, eta pertz batean jarri tipula, azenarioa, porrua, ardoa eta ezkaiarekin marinatzen. Eduki hozkailuan, 24 orduz.
• 24 ordu pasatakoan, atera bertatik haragia, gazitu, irinetan pasa eta zartagin batean olioarekin su bizian frijitu.
• Frijitu kanpotik zarakar bat eginez, eta paper xurgatzailea duen erretilu batera atera.
• Beste kazola batean eta frijitzeko erabilitako olio tanta batekin, barazkiak erregosten jarri; erdi eginik daudenean gehitu sagarra eta utzi barazkia, kolorea hartu arte.
• Barazki horrekin elkartu haragia, busti 200 ml. ardorekin eta utzi murrizten.
• Jarraian, orein salda gehitu eta erregosi su baxuan, harik eta haragia ongi bigundu arte.
• Haragia erretiratu kazolatik, barazkiak eta salda pasa lehenik irabiagailutik, eta iragazkitik ondoren.
• Elkartu haragia eta saltsa, irakinaldi bat eman saldaren dentsitatea zuzendu, eta ondu.

AHOLKUAK

• Errezeta honen aparteko lagungarri moduan, pure desberdinak jar daitezke.
• Beste aukera bat da saltsarekin batera patatak, ilarrak, perretxikoak edo bestelako hornigaiak erabiltzea.
• Oreina prestatu dugun moduan, basurdea edo bestelako ehiza haragiak erregosi daitezke.