Sukaldaritza liburua/Errezetak/Parmantiere edo patata krema

"PARMENTIERE" EDO PATATA KREMA

MAHAIKIDEAK: 4

OSAGAIAK

• Oliba olioa: 50 ml.
• Gurina: 50 g.
• Porrua: 1 dadotan.
• Patata: 1000 g. dadotan
• Salda zuria: Patatak estaltzeko adina.
• Esne gaina edo esnea: 100 ml.
• Gatza.

PRESTAKETA

• Kazola altu batean oliba olioa, gurina, porrua eta gatz pittin bat tapa batekin su baxuan jarri.
• Porrua ongi izerditutakoan, gehitu patata eta salda zuriarekin estali.
• Utzi irakiten 30 minutu inguru, su baxuan, patata ongi egin arte.
• Esne gaina gehitu, beste irakinaldi motz bat eman, eta purea egiteko gailutik pasa.
• Salda zuri gehiagorekin dentsitatea zuzendu, eta gatzarekin ondu.

AHOLKUAK

• Haragi gisatu edo erretako askoren hornigai bikaina da, saltsa moduan ere erabili dezakeguna.
• Bestelako espeziak ere gehitu daitezke, zapore eta kolore desberdinak emateko.