Sukaldaritza liburua/Errezetak/Tututxoak (Kanutiloak) kremaz beteak

TUTUTXOAK (KANUTILOAK) KREMAZ BETERIK

Tututxoak pastel eta chantilly kremaz beteak

MAHAIKIDEAK: 20 tututxo inguru.

OSAGAIAK

• Oliba olioa: 200 ml.
• Esnea: 200 ml.
• Irin ahula: 370 g. bahetu.
• Azukrea: 20 g.
• Gatz fina: Pitin bat.
• Ekilore olioa: Frijitzeko.
• Pastel krema: 500 ml.
• Azukre hautsa: 200 g.

PRESTAKETA

• Katilu batean olioa,  esnea, irina, gatza eta azukrea nahastu, bola bat osatuz. Bustitako trapu batekin estali eta 15 minutuz eduki.
• Arrabola baten laguntzaz,  orea zabaldu, oso fin utzi arte.
• Pasta mozteko gailuarekin lehenik 25x24 cm.-tako karratu bat egin. Ondoren 2x25 cm.-ko tirak moztu.
• Tira hauekin metalezko moldeetan kanutoak osatu. Olioa oparo duen zartagin batean tututxoak  frijitu kolorea emanez.
• Paper xurgatzailea duen erretilu batera atera eta hoztu ondoren kontu handiarekin metalezko moldeetatik banandu.
• Kremaz beteriko mahuka baten laguntzaz tututxoak bete.
• Amaitzeko glas azukrea zabalduko dugu gainetik.

AHOLKUAK

• Frijitu ordez labean ere egin daitezke.
• Hostore pasta ere erabil daiteke tututxoak osatzeko. Kasu honetan labean eginez.