Sukaldaritza liburua/Errezetak/Untxia saltsan

UNTXIA SALTSAN

Untxi saltsan

MAHAIKIDEAK: 4

OSAGAIAK

• Untxia: 1, zati txikietan moztua.
• Gatza.
• Irina: Untxia estaltzeko.
• Oliba olio birjina: 200 ml.
• Baratxuria: 2 xerratu.
• Tipula: 1, dadotan.
• Azenarioa: 2, dadotan.
• Porrua: 1/2 dadotan.
• Ardo zuria: 100 ml.
• Barazki salda, salda zuria edo ura. 400 ml.
• Patatak: : 400 g. dado handietan, gorrituak edo egosiak.
• Barrengorri salteatu edo ziza hori salteatu: 100 g.
• Ilar egosiak: 100 g.

PRESTAKETAK

• Moztu untxia zati txikietan, gazitu eta irinetan pasa.
• Kazola zabal batean jarri olioa sutan, bero dagoenean frijitu untxia zati txikietan, erretiratu eta gorde.
• Kendu kazola horri olioaren gehiena, eta jarri bertan barazkiak erregosten su motelean.
• Barazkiak gorriturik daudenean, gehitu untxia.
• Busti lehenik ardo zuriarekin, eta hau murriztutakoan, saldarekin.
• Egosi untxia bigundu arte 20 bat minutuz.
• Erretiratu kazolatik haragia, eta pasa barazkiak lehenik irabiagailu batetik, eta iragazkitik ondoren.
• Elkartu saltsa untxiarekin, gehitu patatak, ilarrak eta perretxikoak eta batera minutu batzuetan irakin ondoren, ondu.

AHOLKUAK

• Kontu izan untxia gehiegi egin ez dadin, lehortu eta desegiteko arriskua baitu.