Sukaldaritza liburua/Errezetak/ Pastaniscas de bacalhau

PATANISCAS DE BACALHAU

MAHAIKIDEAK: 4

OSAGAIAK

• Bakailao gezatua: 200 g.
• Arrautza: 1.
• Irina: 165 g.
• Ura: 200 ml.
• Gatza.
• Intxaur muskatu birrindua.
• Perrexila: Eskukada txiki 1 xehatua.
• Piperbeltza.
• Olioa frijitzeko: 2 ml.

PRESTAKETA

• Kazola batean jarri bakailaoa urez estalita gatzarekin sutan. Irakiten hasitakoan itzali eta bere horretan utzi.
• Epeldutakoan azala eta hezurrak kendu eta haragia eskuekin desegin.
• Pertz batean jarri arrautza eta hagatxoaren laguntzaz nahasi, jarraian gehitu irina hau ere nahasiz eta ondoren berdina egin urarekin.
• Jarri puntuan gatza, intxaur muskatua, perrexila eta piperbeltzarekin.
• Jarri zartagin bat sutan bi behatz oliorekin.
• Bero dagoenean eta koilara baten laguntzaz orea bertaratu eta frijitu bi aldeetatik kolorea hartu arte.
• Paper xurgatzailea duen erretilu batean batera atera.
• Bere horretan entsaladarekin, arrozarekin edo txitxarro txiki frijituekin zerbitzatu daiteke.