Sukaldaritza liburua/Errezetak/Arrai zabala saltsa berdean

ARRAI ZABALA SALTSA BERDEAN PATATEKIN

MAHAIKIDEAK: 4

OSAGAIAK

• Oliba olio birjina: 75 ml.
• Tipula: 1/2 xehatu.
• Baratxuria: 4 xehatu.
• Perrexila: Sorta txiki bat xehatu.
• Patata egosia: 2 , zuritua eta xerretan edo "panaderan".
• Arrai zabala: 1 kg. azalik gabe garbitua.
• Irina: Arraia estaltzeko.
• Ardo zuria: 50 ml.
• Arrai salda edo ura: 250 ml.
• Gatza.

PRESTAKETA

• Oliba olioa kazola zabal batean su baxuan tipularekin jarri.
• Tipula erdi eginik dagoenean baratxuria eta perrexilaren erdia gehitu.
• Pitin bat sueztitu ondoren, patata egosia, kazolaren azpialdean jarri eta irinetan pasatutako arraia gainean jarri.
• Ardo zuriarekin lehenik eta saldarekin ondoren busti.
• Su baxuan 3-4 minutu egosi, kazola poliki-poliki mugituz.
• Amaitzeko perrexilaren beste erdia jarri gainetik eta gatzarekin ondu.

AHOLKUAK

• Nahi izatera patatak gordin daudenean xerratu eta saltsa berdean egosi daitezke arraia gehitu aurretik.
• Errezeta honi, txirlak, muskuilu ilarrak, zainzuri puntak, arrautza egosiak.... gehitzerik dago.
• Kontu eduki arrai zabalak oso freskoa izan behar duela, bestela amoniako edo txiza moduko lurrin bat eduki bai dezake.
• Egosteko garaian ere kontu handia eduki gehiegi lehortu ez dadin.