Sukaldaritza liburua/Errezetak/Barazki estrudela

BARAZKI ESTRUDELA

MAHAIKIDEAK: 4.

OSAGAIAK

Orea egiteko

• Irina: 300 g.
• Gatza.
• Ura: 150 g.
• Oliba olioa: 40 g.
• Gorringoa: 1.
• Gurina: Margotzeko.

Betegaia egiteko

• Oliba olio birjina: 100 ml.
• Tipula: 2 dado txikitan.
• Azenarioa: 2 dado txikitan.
• Porrua: 1 dado txikitan.
• Alberjinia: 1/2.
• Kuiatxoa: 1/2 dadotan.
• Barrengorria: 4, xerretan.
• Esne-gaina: 100 ml.
• Arrautzak: 4.
• Gatza.
• Piperbeltza.
• Izokin ketua: 8 xerra.

PRESTAKETA

Orearen prestaketa

• Bota irina eta gatza pertz batean eta sumendi bat osatu.
• Jarri erdian gorringoa, olioa, gatza.
• Hasi gehitzen ura eta eskuekin nahasten joan, oratu pazientziarekin ore bigun eta leun bat burutu arte.
• Estali zapi busti batekin eta utzi bere horretan ordubete.

Betegaiaren prestaketa

• Jarri zartagin bat olioa eta baratxuriarekin sutan.
• Kolorea hartzen hasitakoan gehitu, tipula, porrua eta azenarioa, su bizian salteatu.
• Kolore gorrizka hartzen hasitakoan gehitu, alberjinia, kuiatxoa eta barrengorria. Utzi ongi salteatzen eta ondu.
• Sutatik kanpo arrautzak irabiatu eta esne-gainarekin nahasi ondoren, barazkiekin elkartu. Ondu.

Prestaketa amaitzeko

• Estali erretilu bat labeko paperarekin.
• Arrabolarekin zabaldu orea 20x20 cm-tako zatietan.
• Margotu gurin urtuarekin eta minutu batzuetan utzi.
• Orearen erdian jarri izokin ketu erdia, berriro barazkia eta izokina.
• Paperaren laguntzaz bildu strudela zilindro bat osatuz.
• Margotu gurinarekin eta labera sartu 170ºC-tan 20 minutu inguru.

AHOLKUAK

• Betegaia esne-gain eta arrautzarik gabe ere egin dezakegu.