Sukaldaritza liburua/Errezetak/Entsalada errusiarra
ENTSALADA ERRUSIARRA
MAHAIKIDEAK 4
OSAGAIAK
[aldatu]- Patata 600 g.
- Azenarioa: 200 g.
- Ilar izoztua:150 g.
- Arrautza: 4.
- Hegaluze egosia edo ontzikoa: 200 g.
- Leka: 200 g.
- Pikillo piperra: 4.
- Oliba beltza eta berdea: 50 g.
- Maionesa: 100 g.
- Tipulina: 1 xehatu, aukerakoa.
- Ozpina:Zurrusta motz 1 (aukerakoa).
PRESTAKETAK
[aldatu]- Patata ur gazituan 30 minutuz egosi, zuritu eta dado txikitan moztu.
- Azenarioa zuritu, ur gazituan 20 minutuz egosi eta dado txikitan ebaki.
- Ilarrak 12 minutuz egosi ondoren ur hotzetan freskatu.
- Arrautzak 12 minutuz ur gatzatuan egosi, zuritu eta karratuean zatitu.
- Hegaluzea sardexka batekin desegin.
- Lekak haria eta puntak kenduta, ur gazituan 15 minutuz egosi eta karratutan moztu.
- Pikillo piperrak dado txikietan moztu.
- Hezurrik gabeko oliba beltzak eta berdeak karratu txikietan moztu.
- Maionesa egin.
- Pertz batean jarri patata, azenarioa, ilarrak, arrautza, hegaluzea, lekak, pikillo piperrak, olibak maionesa, tipulina, ozpina eta gatza.
- Nahasi kontu handiarekin, patata puskatu gabe.
- Plater batean erdian uztai baten laguntzaz entsalada aurkeztu, edertzeko erabili pikilo piper lerro batzuk, maionesa eta olibaren bat.
AHOLKUAK
[aldatu]- Ozpina eta tipulina aukerakoa da, horien ordez ozpinetako luzokerra edo Ibarrako piperra ozpinetan zatitua gehitu daiteke.
- Edozein kasutan, tipulina botako bagenio beti jateko momentuan egingo genuke.
- Arrosa kolorekoa geratzea nahi badugu, erremolatxa egosia ere gehitu daiteke.