Sukaldaritza liburua/Errezetak/Legatza kokotea

LEGATZ KOKOTEA LABEAN

Legatz kokotea labean

MAHAIKIDEAK: 2

OSAGAIAK

• Legatz kokotea: 800 g. ingurukoa eta garbitua.
• Gatza.
• Oliba olio birjina: 100 ml.
• Baratxuria: 3 xerratu.
• Pipermin lehorra : Xerra 1.
• Ozpina: Zurrusta motz 1.
• Perrexil: Sorta txiki 1 xehatu.

PRESTAKETA

• Labea 220Cºtara piztu.
• Lehenik kokotea ondo garbitu, zakatzak, begiak, hortzak eta azal beltz guztia kenduta.
• Gatzatu eta olioetan igurtzi ondoren laberako erretilu batean jarri eta 15 minutu inguru labean erre.
• Labetik atera bezain pronto, bizkar-hezur nagusia kendu, ozpina eta perrexila gainetik bota.
• Olioa, baratxuria eta pipermin xerrarekin olio errea egin eta kokoteari gainetik bota.
• Labeko erretiluaren azpialdeko salda zartaginean bildu sutatik kanpo ongi bateratu eta kokoteari berriro gainetik bota.

AHOLKUAK

• Normalean kokotea, patata egosi edo patata panaderekin zerbitzatzen da.
• Arraina ez da gehiegi egin behar; labetik gutxi egina atera eta olio erre beroa gainera botata amaitu behar da.